संखुवासभाको खाँदबारीमा २ वटा भ्यान एक आपसमा ठोक्एिर दुर्घटना हुँदा १३ जना घाइते भएका छन् । तुम्लिङटारबाट खाँदबारीतर्फ आउँदै गरेको भ्यान र तुम्लिङटार तर्फ जाँदै गरेको ईभी भ्यान खाँदबारी नगरपालिका–९ स्थित कार्किडाँडामा सोमबार एक आपसमा ठोक्किएका हुन् । भ्यानले ठक्कर दिँदा भोजपुर षडानन्द नगरपालिकाका रितेश श्रेष्ठ, मिना तामाङ, रामबहादुर विक, हिरा विक, मोहन तामाङ, मच्छिन्द्र विष्ट र राजकुमार राई घाइते भएका छन् ।

त्यस्तै खाँदबारी नगरपालिकाकी सलिना बोहरा, शान्ति घिमिरे पनि घाइते भएकी छन् । यस्तै ईभी भ्यानमा सवार सभापोखरी–२ की उर्मिला खनाल र उसाल खनाल, खाँदबारी–४ का हर्क गुरुङ र चालक लाक्पा गुरुङ घाइते भएका छन् । घाइतेहरुको जिल्ला अस्पताल संखुवासभामा उपचार भइरहेको प्रहरीले जनाएको छ ।