काठमांडौ । नेकपा माओवादी केन्द्र निकट भोजपुर काठमांडौ सम्पर्कमञ्चले पार्टीले प्रतिनिधि तथा प्रदेश सभा निर्वाचनमाजीत हात पारेकोमा वधाई कार्यक्रमको आयोजना गरेको छ । माओवादी केन्द्रका अध्यक्ष प्रचण्डको प्रमुख आतिथ्यतामा कार्यक्रम सम्पन्न भएको हो ।
पार्टीको यो जित हासिल गर्न पार्टीका अध्यक्ष प्रचण्ड को भुमिका अव्वल रहेको भन्दै अध्यक्ष प्रचण्डलाई माला तथा खदा ओडाएर सम्मान समेत गरिएको थियो ।
भोजपुर काठमांडौ सम्पर्क मन्चका अध्यक्ष तथा संयोजक जगविर राईको अध्यक्षतामा भएको कार्यक्रममा मन्चका ईन्चार्ज रमेश ओझा मन्चका सल्लाहकार डा.शिवकुमार राई तथा मन्चमा आवद्ध सदस्यहरुको उपस्थिति रहेको थियो ।
सम्मान तथा वधाई ग्रहन पछि पार्टी अध्यक्ष प्रचण्डले मन्चले उत्साहका साथ गरेको यो सम्मानले आगामी यात्राको लागी थप उर्जा मिलेको वताए । आगामी पार्टीको भुमिका र जिम्मेवारीमा समेत अहम र गहन भुमिका मन्चको हुनेमा आशावादी रहेको प्रचण्डले बताए।
सोमवार पार्टी कार्यलय पेरिसडाँडामा कार्यक्रम सम्पन्न भएको थियो ।
