भोजपुर– भोजपुरकी सजिना तामाङले मलेसियामा आयोजित अन्तराष्ट्रिय तेक्वान्दो प्रतियोगितामा स्वर्ण पदक जितेकी छन् । मलेसियामा फागुन १७ गतेदेखि २० गते सम्म सञ्चालन भएको हवारङ वारिवर अन्तराष्ट्रिय तेक्वान्दो प्रतियोगितामा तामाङ्ले एकल स्पाईरिङ तर्फ स्वर्ण पदक जितेकी हुन् ।
तामाङले एकल प्याट्रन तर्फ समेत रजत पदक हात पारेकी छिन् । तामाङले नवौं राष्ट्रिय खेलकुद प्रतियोगिताको रजत पदक जितेकी थिईन भने केहि महिना अघि भारतमा सम्पन्न भएको दक्षिण एसियाली आई.टि.एफ. तेक्वान्दो प्रतियोगितामा स्वर्ण सहित तीन पदक जितेकी थिईन।
भोजपुरको षडानन्द नगरपालिका४ की स्थायी वासिन्दा तामाङ्लाई षडानन्द नगरपालिकाले जाने आउने टीकटको व्यवस्था गर्ने वताएको छ । तामाङ नेपालवाट प्रतिनिधित्वगर्ने एक्लो महिला खेलाडी हुन् ।
